හිටපු විදේශ රැකියා අමාත්ය මනූෂ නානායක්කාර ගේ සොහොයුරා, ගම්පහ මහෙස්ත්රාත් අධිකරණය අද (06) නියෝගයට අනුව ජනවාරි 17 වනදා දක්වා යළි රක්ෂිත බන්ධනාගාර ගත කර තිබේ.
තිසර ඉරෝෂණ නානායක්කාර නැමැත්තා, ෆින්ලන්තයේ රැකියා ලබාදෙන බව පවසා රුපියල් ලක්ෂ 30ක මුදලක් වංචා කිරීම සම්බන්ධයෙන් අපරාධ පරීක්ෂණ දෙපාර්තමේන්තුව මගින් බිබිල ප්රදේශයේදී අත්අඩංගුවට ගෙන තිබුණි.
ගම්පහ මහෙස්ත්රාත් අධිකරණය විසින් පසුගිය 29 වනදා සැකකරුව ඉදිරිපත් කිරීමෙන්ම අනතුරුව අද දිනය දක්වා රක්ෂිත බන්ධනාගාර ගත කළේය.
අපරාධ පරීක්ෂණ දෙපාර්තමේන්තුවට පැමිණිල්ල ලැබී ඇත්තේ සැකකරු ෆින්ලන්තයේ රැකියා ලබාදෙන බව පවසා මුදල් වංචා කර ඇති බවයි. එම පැමිණිල්ලට අනුව අදාළ පුද්ගලයා රැකියා ලබාදෙන බව පවසා රුපියල් ලක්ෂ 40ක මුදලක් ඉල්ලා සිට ඉන් රුපියල් ලක්ෂ 30ක මුදලක් ලබාගෙන එම මුදල වංචාකර ඇති බව සඳහන් වේ.
ඒ අනුව පසුගිය 27 වනදා විමර්ශන නිලධාරීන් කණ්ඩායමක් සැකකරුව අත්අඩංගුවට ගැනීමට ගාල්ල ප්රදේශයට ගිය ද ඔහු එහි නොසිටීම හේතුවෙන් අත්අඩංගුවට ගැනීමට හැකිවී නොමැත.
අනතුරුව ඔහු බිබිල ප්රදේශයේ රැඳී සිටින බවට සැකකරුගේ දුරකථන දත්ත පරීක්ෂා කිරීමේදී අනාවරණ විය.ඒ අනුව සැකකරුව පසුගිය 28 වනදා අපරාධ පරීක්ෂණ දෙපාර්තමේන්තුවේ නිලධාරීන් කණ්ඩායමක් විසින් අත්අඩංගුවට ගනුලැබීය.
සැකකරුගේ මෙම ජාවාරමට තවත් පුද්ගලයන් සහාය දක්වා ඇති ද යන්න පිළිබඳව තවදුරටත් විමර්ශන සිදුකරයි
