පාර්ලිමේන්තු මන්ත්රී ආචාර්ය හර්ෂණ සූරියප්පෙරුම සිය පාර්ලිමේන්තු මන්ත්රි ධුරයෙන් ඉල්ලා අස්වී තිබේ. ජාතික ජන බලවේගයේ ජාතික ලැයිස්තු මන්ත්රීවරයෙකු ලෙස වත්මන් පාර්ලිමේන්තුවට තේරී පත්වූ ආචාර්ය හර්ෂණ සූරියප්පෙරුම මුදල් සහ ක්රම සම්පාදන නියෝජ්ය අමාත්යවරයා වශයෙන් කටයුතු කළේය.
ජුනි 20 වැනිදා සිට බල පැවැත්වෙන පරිදි අදාළ ඉල්ලා අස්වීම ක්රියාත්මක බව නිවේදනයක් නිකුත් කරමින් පාර්ලිමේන්තු මහලේකම් කාර්යාලය සඳහන් කළේය.
නියෝජ්ය අමාත්යවරයාගේ ඉල්ලා අස්වීම පාර්ලිමේන්තු මහලේකම්වරිය විසින් භාර ගෙන ඇති අතර පාර්ලිමේන්තු මන්තී ධුරයක පුරප්පාඩුවක් පවතින බව මහලේකම් කුෂාණි රෝහණධීර මහත්මිය විසින් මැතිවරණ කොමිෂන් සභාව වෙත දැනුම් දීමට පියවර ගෙන තිබේ.
මේ අතර ආචාර්ය හර්ෂණ සූරියප්පෙරුම මුදල් අමාත්යංශ ලේකම් වශයෙන් පත්වනු ඇති බවද වාර්තා වේ.
මුදල් අමාත්යංශයේ ලෙකම්වරයා වශයෙන් කටයුතු කළ මහින්ද සිරිවර්ධන මෙම මස අග සිට එම ධුරයෙන් විශ්රාම ගැනීමට නියමිතය.
