තෙවැනි පාසල් වාරයේ ඉදිරි දින කිහිපය තුළ පාසල් සිසුන්ට බාධාවකින් තොරව ගමන් පහසුකම් සලසා දීම සඳහා අමතර දුම්රිය වාර කිහිපයක් ධාවනයට එක් කිරීමට දුම්රිය දෙපාර්තමේන්තුව තීරණය කර තිබේ.
ඒ අනුව මගීන් වැඩි වශයෙන් ගමන් ගන්නා මාර්ග කිහිපයක් ආවරණය වන පරිදි මෙම විශේෂ සේවාවන් ක්රියාත්මක වනු ඇත. මුහුදුබඩ මාර්ගයේ දුම්රිය ගමන් වාර 4ක් ද, ප්රධාන මාර්ගයේ දුම්රිය ගමන් වාර 3ක් ද මීට ඇතුළත් කර තිබේ.
මීට අමතරව පුත්තලම මාර්ගයේ සහ කැලණිවැලි මාර්ගයේ ද අමතර දුම්රිය ගමන් වාරය බැගින් යෙදවීමට කටයුතු යොදා ඇති බව දුම්රිය දෙපාර්තමේන්තුව වැඩිදුරටත් සඳහන් කරයි. මෙම වැඩපිළිවෙළ හරහා පාසල් වේලාවන් තුළ පවතින දුම්රිය තදබදය අවම කරමින් සිසුන්ට පහසුවෙන් සිය ගමන් අවශ්යතා සපුරා ගැනීමට අවස්ථාව සැලසේ.
