බන්ධනාගාරගතවී සිටින රනිල් වික්රමසිංහ මේ වන විට දැඩි වෛද්ය අධීක්ෂණය යටතේ ජාතික රෝහලේ ප්රතිකාර ලබන බව කොළඹ ජාතික රෝහලේ නියෝජ්ය අධ්යක්ෂ රුක්ෂාන් බෙල්ලන පවසයි.
හිටපු ජනාධිපතිවරයාට විජලන තත්ත්වයක් ඇතිව ඇති බවත් රුධිරයේ යම් වෙනස්වීම් සහ වෙනත් සළකුණුද මේ වන විට නිරීක්ෂණය වී ඇත.
එසේම ඔහු පවසන්නේ පසුගියදා අධිකරණ ශාලාවේ පැය කිහිපයක් රැඳී සිටීමේදි ඇතිවූ විදුලි විසන්දිවීම්, ජලය පානය නොකිරීම් හේතුවෙන් ඇතිවූ සංකූලතා මත ඔහු විජලන තත්ත්වයට පත්ව ඇති බවය.
මේ හේතුවෙන් බන්ධනාගාර රෝහලින් පසුව ජාතික රෝහලට මාරුකර එවා ඇති බවත් ඒ අනුව දැඩි වෛද්ය නිරීක්ෂණය යටතේ හිටපු ජනාධිපතිවරයා කොළඹ ජාතික රෝහලේ ප්රතිකාර ලබන බවද වෛද්ය බෙල්ලන මෙහිදී පැවසීය.
එහිදී වැඩිදුරටත් අදහස් දැක්වූ වෛද්ය රුක්ෂාන් බෙල්ලන කියා සිටියේ තෙදිනක් දැඩි විවේකී තත්ත්වයක තබා විජලනයට ප්රතිකාර කළ යුතු බවයි.
එසේ නොකළහොත් හෘදයාබාධ, වකුගඩු ආබාධ සහ වෙනත් සංකූලතා ඇති විය හැකි බවත් ඒ හේතුවෙන් විශේෂඥ වෛද්යවරු කණ්ඩායම් කිහිපයකගේ විශේෂ අධීක්ෂණය යටතේ හිටපු ජනපති රනිල් වික්රමසිංහ මේ වන විට පසුවෙයි.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
