දේශීය නිෂ්පාදන කර්මාන්තය ශක්තිමත් කරමින් අපනයන ආදායම වැඩිදියුණු කිරීම හා දේශීය ව්යාපාරිකයින් ආරක්ෂා කිරීම සඳහා රජය අවශ්ය සහාය සැලසීමට සූදානම් බව ජනාධිපති අනුර කුමාර දිසානායක මහතා පැවසීය.
සෙරමික් කර්මාන්තයේ පවතින ගැටලු සහ යෝජනා විමසීමේ අරමුණින් 2026 පූර්ව අයවැය සාකච්ඡාවක් ඊයේ (27) පස්වරුවේ ජනාධිපති කාර්යාලයේදී ජනාධිපතිවරයාගේ ප්රධානත්වයෙන් පැවැත්විණි.
මෙහිදී ටයිල්, නානකාමර උපාංග සහ සනීපාරක්ෂක භාණ්ඩ ඇතුළු සෙරමික් නිෂ්පාදන සම්බන්ධයෙන් විශේෂ අවධානය යොමු කළ අතර, වෙළෙඳපළේ ගුණාත්මකභාවය සහ ප්රමිතිය ආරක්ෂා කර ගැනීම පිළිබඳ පුළුල් සාකච්ඡාවක්ද සිදු විය.
ජනපතිවරයා තවදුරටත් අවධාරණය කළේ, ජනතාවට ඉහළ ප්රමිතියෙන් යුත් සෙරමික් නිෂ්පාදන සාධාරණ මිලකට ලබාදීම සඳහා රජය උපරිම සහාය ලබා දෙනු ඇති බවයි.
