තායිලන්තය සහ කාම්බෝජය අතර සති කිහිපයක් පුරා පැවති දරුණු දේශසීමා ගැටුම් නිමා කරමින් දෙරටේ රජයන් අද සටන් විරාම ගිවිසුමකට අත්සන් තබා තිබේ. මෙම තීරණාත්මක එකඟතාවයට තායිලන්තය වෙනුවෙන් ආරක්ෂක අමාත්ය නතාෆොන් නාර්ක්ෆනිට් සහ කාම්බෝජය වෙනුවෙන් ආරක්ෂක අමාත්ය ටී සෙයිහා අත්සන් තැබූ බව වාර්තා වේ.
ගිවිසුමට අත්සන් තැබීමෙන් අනතුරුව දෙරටේ ආරක්ෂක අමාත්යවරුන් විසින් ඒකාබද්ධ ප්රකාශයක් නිකුත් කරමින් සඳහන් කර සිටියේ අද දහවල් කාලයේ සිටම මෙම සටන් විරාමය බලාත්මක වන බවයි. කලාපීය සාමය ස්ථාපිත කිරීමේ අරමුණින් දෙපාර්ශ්වයම එකඟතාවකට පැමිණ ඇති අතර, ඒ අනුව ඉදිරි කාලසීමාව තුළ දේශසීමා ආශ්රිත යුදමය ක්රියාකාරකම් නවතා දැමීමට නියමිතය.
පසුගිය සති කිහිපය පුරා දෙරටේ දේශසීමා අතර පැවති දරුණු ගැටුම් හේතුවෙන් දෙපාර්ශ්වයේම පුද්ගලයන් 101 දෙනෙකුට ආසන්න පිරිසකට සිය ජීවිත අහිමි විය. එමෙන්ම මෙම යුදමය තත්ත්වය නිසා මිලියන භාගයකට අධික ජනතාවකට සිය නිවෙස් අතහැර ආරක්ෂිත ස්ථාන කරා පලා යාමට සිදුවූ අතර ඔවුන් දැඩි පීඩාවට පත්ව සිටියහ.
මෙම සටන් විරාමයත් සමඟ අවතැන්ව සිටින දහස් සංඛ්යාත ජනතාවට නැවත සිය නිවෙස් කරා යාමට අවස්ථාව උදා වනු ඇතැයි අපේක්ෂා කෙරේ.
