පුරාවිද්යා කැණීමකට උත්සාහ කළ බවට හෝ සාපරාධී ක්රියාවක නිරත වූ බවට සැකපිට වැලිකන්ද නාමල්ගම ප්රදේශයේදී හමුදා සාමාජිකයන් දෙදෙනකු ඇතුළු පුද්ගලයන් 11 දෙනකු, මෝටර් රථ තුනක් සහ කැබ් රථයක් සමඟ අත්අඩංගුවට ගත් බව වැලිකන්ද පොලිසිය වාර්තා කරයි.
සැකකරුවන් අතර ව්යාජ හැඳුනුම්පතක්, හමුදා නිල ඇඳුම් සහ බ්රිගේඩියර්වරයකුගේ ඇඳුමට සමාන ඇඳුම් සන්තකයේ තබාගත් බදුල්ල ප්රදේශයේ පුද්ගලයකු ද සිටින බව පොලිසිය පවසයි.
අනෙක් හමුදා සාමාජිකයන් දෙදෙනා ත්රිකුණාමලය හෙන්ද්රික් කොටුව කඳවුරේ සේවය කරන්නන් බව පොලිසිය පවසයි.
ඉතිරි සැකකරුවන් 8 දෙනා යක්කල, පාදුක්ක, ගලේවෙල, මිල්ලව සහ තංගල්ල යන ප්රදේශවල පදිංචිකරුවන් බව වැලිකන්ද පොලිසිය විසින් සිදුකරන ලද පරීක්ෂණවලදී අනාවරණය වී තිබේ.
වැලිකන්ද පොලිසිය සහ යුද හමුදා පොලිසිය එක්ව පොල්හේන්ගොඩ යුද හමුදා කඳවුරේ සිට කඳවුරේ නිලධාරීන් විසින් ලබාදුන් තොරතුරක් මත සිදුකළ මෙහෙයුමකදී මෙම පිරිස අත්අඩංගුවට ගෙන ඇත.
බ්රිගේඩියර්වරයෙකු ලෙස පෙනීසිටින පුද්ගලයා හමුදාවට සම්බන්ධ අයෙකු නොවන බව විමර්ශනවලදී වැඩිදුරටත් අනාවරණය වී තිබේ.
