තලවකැලේ නගරයේ සිට වතුයාය දෙසට අධික වේගයෙන් ධාවනය වූ ත්රිරෝද රථයක ඉදිරිපස රෝදය ගැලවී යාමෙන් ත්රිරෝද රථය ප්රධාන මාර්ගයේ පෙරළී යාමෙන් එහි ගමන්ගත් දෙදෙනෙකු තුවාල ලබා ලිඳුල ප්රාදේශීය රෝහල වෙත ඇතුළත් කර තිබේ.
මෙම අනතුර සිදුව ඇත්තේ හැටන්-නුවරඑළිය ප්රධාන මාර්ගයේ තලවකැලේ සමන් දේවාලය අසලදීය.
අධික වේගයෙන් ධාවනය වූ ත්රිරෝද රථයේ ඉදිරිපස රෝදයේ හදිසියේ ඇති වූ කාර්මික දෝෂයක් හේතුවෙන් රෝදය ගැලවී ගොස් අනතුර සිදුව ඇති බවට සැක කෙරේ. අනතුරින් ත්රිරෝද රථයට ද දැඩි අලාභ හානි සිදුව ඇති බව අනතුර පිළිබඳ විමර්ශන පවත්වන තලවකැලේ පොලීසිය සඳහන් කළේය.
