නිරිතදිග මෝසම් වර්ෂාවත් දිවයින පුරා ඩෙංගු උවදුර පෙර නොවූ විරූ ලෙස ව්යාප්තව තිබේ. මදුරු මර්දන සතියක් ලබන 30 වැනිදා සිට ජුලි මස 05 වැනිදා දක්වා දිස්ත්රික් 16ක ක්රියාත්මක කරන බව ජාතික ඩෙංගු මර්දන ඒකකය පවසයි.
පවතින නිරිත දිග මෝසම් වර්ෂාපතන තත්ත්වයත් සමඟ මදුරු ඝනත්වය ඉහළ ගොස් ඇති බැවින් එය පාලනය කිරීම සඳහා මෙම මදුරු මර්දන සතිය ක්රියාත්මක කිරීමට සැලසුම් කර ඇති බවයි එහි ප්රජා වෛද්ය විශේෂඥ ප්රශිලා සමරවීර මහත්මිය සඳහන් කළේ,.
ප්රජා වෛද්ය විශේෂඥ ප්රශිලා සමරවීර මහත්මිය කොළඹ පැවති මාධ්ය හමුවකට එක්වෙමින් මේ බව සඳහන් කළාය.
“දිස්ත්රික්ක 16ක සෞඛ්ය වෛද්ය කොට්ඨාස 111ක නැවතත් මදුරු මර්දන සතියක් ක්රියාත්මක කරනවා. මෙහිදී අවදානම් පරිශ්රවල ඩෙංගු මදුරුවන් බෝවිය හැකි ස්ථාන සොයා බලා ඒවා ඉවත් කරන්න අපේ කණ්ඩායම් එනවා. එහිදී ඔබ අපරික්ෂාකාරී ලෙස මදුරුවන් බෝවන ස්ථාන පවත්වාගෙන ගියොත් රතු නිවේදන නිකුත් කිරීම සහ නීතිමය කටයුතු සිදුකරන්න බලාපොරොත්තු වෙනවා.”
මේ අතර දිවයින පුරා ඩෙංගු රෝගීන් 26,000කට අධික පිරිසක් මේ වන විට වාර්තා වි ඇති බව ජාතික ඩෙංගු මර්දන ඒකකයේ ප්රජා වෛද්ය විශේෂඥ ප්රශිලා සමරවීර මහත්මිය සඳහන් කළාය.
මේ වනවිට ළමා මරණ එකක් වාර්තා වී ඇති අතර, රෝගීන්ගෙන් 45%ක් බස්නාහිර පළාතෙන් වාර්තා වී ඇති බවයි සමරවීර මහත්මිය පැවසුවේ.
“ලංකාව පුරා ඩෙංගු රෝගීන් 26,775ක් සහ ඩෙංගු මරණ 14ක් සිදුව තිබෙනවා. බස්නාහිර, නැගෙනහිර, සබරගමුව සහ දකුණු පළාත්වල රෝගීන් වැඩි වශයෙන් වාර්තා වෙනවා.”
