මෑතකදී පත් කෙරුණු නියෝජ්ය අමාත්යවරුන් හය දෙනා ද, පාර්ලිමේන්තු මන්ත්රීවරයෙකු ලෙස ලබා දෙන ඉන්ධන දීමනාව අවශ්ය නොවන බව පාර්ලිමේන්තු ප්රධානීන්ට ලිඛිතව දැනුම් දී තිබේ.
මේ අනුව මින් ඉදිරියට ඔවුන්ට හිමිවන්නේ නියෝජ්ය අමාත්යවරුන්ට ලැබෙන ඉන්ධන දීමනාව පමණකි.
මන්ත්රී ඉන්ධන දීමනාව අවශ්ය නොවන බව දැනුම් දුන් නව නියෝජ්ය අමාත්යවරුන් වන්නේ එරංග ගුණසේකර, අරවින්ද සෙනරත්, දිනිඳු සමන් කුමාර, නිශාන්ත ජයවීර, ආචාර්ය කෞශල්යා ආරියරත්න සහ එම්.එම්.අයි. අර්කම් යන මහත්වරුන්ය.
පසුගිය රජයන්හි ඇමතිවරු සහ නියෝජ්ය ඇමතිවරු බොහෝ දෙනෙක් අමාත්ය ධූරයට ලැබෙන ඉන්ධන දීමනාවට අමතරව පාර්ලිමේන්තු මන්ත්රීවරයෙකුට ලැබෙන ඉන්ධන දීමනාව ද ලබා ගත්හ.
අග්රාමාත්යවරිය ඇතුළු ඇමතිවරුන් සහ නියෝජ්ය ඇමතිවරුන් 48 දෙනකු පාර්ලිමේන්තුවෙන් ලැබෙන ඉන්ධන දීමනාව මීට පෙර ප්රතික්ෂේප කර තිබිණි.
