කප්පම් ගැනීමේ අරමුණින් ප්රදේශවාසීන්ට වෙඩි තබා තර්ජනය කළ පුද්ගලයෙකු කිරිවත්තුඩුව මිල්ලගහවත්ත ප්රදේශයේදී පොලිසිය අත්අඩංගුවට ගෙන තිබේ.
මෙම වෙඩි තැබීමෙන් අවුරුදු 49ක් වන කාන්තාවක් තුවාල ලබා කහතුඩුව වෑතර රෝහලට ඇතුළත් කර තිබේ.
සැකකරු සන්තකයේ තිබූ දේශීය ජිව අත්බෝම්බයක්, මන්නයක් සහ ගිනිඅවිද පොලිසිය භාරයට ගෙන ඇත. ඔහු අත්අඩංගුවට ගැනීමට පැමිණි පොලිසිය වෙත වෙඩි තැබෙන බවට තර්ජනය කරමින් හැසිරුණ බව ද සදහන්ය.
පොලිසිය පවසන්නේ, මත්ද්රවය පාවිච්චිය සඳහා මුදල් සොයා ගැනීමේ අරමුණින් සැකකරු මෙම කප්පම් කටයුතු සිදුකර ඇති බවයි.
අදාළ පුද්ගලයා මීට පෙර පුද්ගලයන් සිව් දෙනෙකුට තියුණු ආයුධ භාවිතයෙන් තුවාල සිදුකිරීමේ සම්බන්ධයෙන් දඬුවම් විඳ බන්ධනාගාරගතව සිටි අයෙකු බව ද වාර්තා වේ.
අවුරුදු 32ක් වන මෙම සැකකරු කැස්බෑව මහේස්ත්රාත් අධිකරණයට ඉදිරිපත් කිරීමට නියමිත අතර, වැඩිදුර පරීක්ෂණ කහතුඩුව පොලීසිය සිදුකරයි.
