අල්ලස් හා දූෂණ චෝදනා විමර්ශන කොමිෂන් සභාවේ අධ්යක්ෂ ජනරාල් ලෙස මහාධිකරණ විනිසුරු රංග දිසානායක මහතා පත් කිරීම සම්බන්ධයෙන් ගොනු කර තිබූ මූලික අයිතිවාසිකම් පෙත්සම අද (23) ශ්රේෂ්ඨාධිකරණය වෙතින් ඉල්ලා අස් කර ගන්නා ලදි.
ඉන් පෙර, ආණ්ඩුක්රම ව්යවස්ථාදායක සභාව විසින් ජනාධිපතිවරයා වෙත ඉදිරිපත් කළ නිර්දේශය සහ එම පත්වීම බල රහිත කරන්නැයි ඉල්ලා මෙම පෙත්සම ගොනු කර තිබුණේ උඩවලව සෝම විහාරාධිපති වේවැල්දූව ඥානප්රභා ස්වාමීන් වහන්සේ ඇතුළු පිරිසක් ය.
මෙම පෙත්සම අද අගවිනිසුරු ප්රීති පද්මන් සූරසේන, මහින්ද සමයවර්ධන සහ සම්පත් අබේකෝන් යන ශ්රේෂ්ඨාධිකරණ විනිසුරු ත්රිපුද්ගල මඩුල්ල ඉදිරියේ කැඳවූ අවස්ථාවේදී, පෙත්සම්කාර පාර්ශ්වය නියෝජනය කළ නීතිඥවරයා එය ඉල්ලා අස් කර ගැනීමට අවසර ලබා දෙන ලෙස ඉල්ලා සිටියේය.
අදාළ ඉල්ලීම පිළිගත් ශ්රේෂ්ඨාධිකරණය, පෙත්සම ඉල්ලා අස් කර ගැනීමට අවසර ලබා දීමෙන් අනතුරුව එය නිශ්ප්රභ කරන ලදී.
