‘දිට්වා’ සුළි කුණාටුව හේතුවෙන් පූර්ණ වශයෙන් හානියට පත් නිවාස වෙනුවට නව නිවාස ඉදිකිරීමේ සහ වන්දි ලබාදීමේ ‘Rebuilding Sri Lanka’ ජාතික වැඩසටහන හෙට (09) ජනාධිපති අනුර කුමාර දිසානායක මහතාගේ ප්රධානත්වයෙන් ආරම්භ වේ.
ජනාධිපති මාධ්ය අංශය සඳහන් කරන පරිදි, මෙම වැඩසටහනේ සමාරම්භක කටයුතු අනුරාධපුර සහ කුරුණෑගල යන දිස්ත්රික්ක කේන්ද්ර කරගනිමින් පැවැත්වීමට නියමිතය. ඒ අනුව:
අනුරාධපුර දිස්ත්රික්කයේ: ගල්නෑව, හඳුන්ගම සහ රාජාංගණය සිරිමාපුර යන ප්රදේශවල ද,
කුරුණෑගල දිස්ත්රික්කයේ: නිකවැරටිය විතිකුලිය මංසන්දිය සහ රීදිගම දොඩම්ගස්ලන්ද යන ප්රදේශවල ද,
ආපදාවට පත් ජනතාව වෙනුවෙන් නිවාස ඉදිකිරීමේ කටයුතු ආරම්භ කෙරේ.
දිට්වා සුළි කුණාටුවෙන් විපතට පත් ජනතාවගේ ජීවනෝපාය යථා තත්ත්වයට පත් කිරීමේ රජයේ පුළුල් සහන වැඩපිළිවෙළේ එක් පියවරක් ලෙස මෙම ව්යාපෘතිය ක්රියාත්මක වේ. පූර්ණ හානි සිදුවූ නිවාස සඳහා නව නිවාස මෙන්ම, අර්ධ හානි සිදුවූ නිවාස වෙනුවෙන් වන්දි ලබාදීම ද මෙම වැඩසටහනට සමගාමීව සිදු කිරීමට නියමිතය.
