රථ වාහන නීති දැඩි ලෙස ක්රියාත්මක කිරීම අද (08) සිට ආරම්භ කරන බව ප්රවාහන අමාත්යාංශය ප්රකාශ කර ඇත.ප්රවාහන නියෝජ්ය අමාත්ය ප්රසන්න ගුණසේන මහතා සඳහන් කළේ, මෙම පරීක්ෂණ සඳහා පොලිස් නිලධාරීන් දිවයින පුරා යොදවනු ඇති බවයි.
මෙම පරීක්ෂණවලදී ධාවනයට නුසුදුසු තත්ත්වයේ වාහන, නීතියට පිටුපසින් වර්ණ වෙනස්කම් සිදුකර ඇති වාහන සහ විවිධ වර්ණයේ අමතර පහන් සවිකර ධාවනය කරන වාහන විශේෂයෙන් පරීක්ෂා කිරීමට නියමිතය. එමෙන්ම, වාහනවල ඉදිරිපස, පිටුපස හෝ බඳෙහි චිත්ර මෝස්තර සහ වෙළඳ දැන්වීම් පළකර ඇති වාහන, නීති විරෝධීව සිදු කළ වෙනත් සවිකිරීම් සම්බන්ධයෙන් ද සුවිශේෂ පරීක්ෂණ සිදු කරන බව ද සඳහන් වේ.
ඉන් අනතුරුව, අධික ශබ්ද ඇති සයිලන්සර් හෝ ඝෝෂාකාරී නල සවිකර ධාවනය කරන වාහන සම්බන්ධයෙන්ද අද සිට නීතිය දැඩිව ක්රියාත්මක කරන ලෙස පොලිසියට උපදෙස් ලබා දී ඇති බව නියෝජ්ය අමාත්යවරයා අවධාරණය කළේය.
