දෙදින නිල සංචාරයක් සඳහා දිවයිනට පැමිණ සිටින ඉන්දීය යුද්ධ හමුදා ප්රධානී ජෙනරල් උපේන්ද්ර ද්විවේදි මහතා සහ මෙරට ආරක්ෂක නියෝජ්ය අමාත්ය විශ්රාමික මේජර් ජෙනරාල් අරුණ ජයසේකර මහතා අතර නිල හමුවක් අද (08) කොළඹ පිහිටි ආරක්ෂක නියෝජ්ය අමාත්ය කාර්යාලයේදී සිදු විය.
ඊයේ රාත්රියේ දිවයිනට පැමිණි ඉන්දීය හමුදාපතිවරයා ඇතුළු දූත පිරිස නියෝජ්ය අමාත්යවරයා විසින් ඉතා උණුසුම් අයුරින් පිළිගනු ලැබූ අතර, අනතුරුව දෙපාර්ශවය අතර සුහද සාකච්ඡා පවත්වන ලදී.
මෙහිදී ඉන්දියාව සහ ශ්රී ලංකාව අතර පවතින දීර්ඝකාලීන ඓතිහාසික, සංස්කෘතිකමය සහ ශිෂ්ටාචාරමය සබඳතා පිළිබඳව දෙපාර්ශවයම සිය අවධානය යොමු කළහ. දෙරට අතර ආරක්ෂක සහයෝගීතාව තවදුරටත් වර්ධනය කර ගැනීම සහ කලාපීය වශයෙන් වැදගත් වන ආරක්ෂක කරුණු සම්බන්ධයෙන් ද මෙහිදී මූලික වශයෙන් සාකච්ඡා වී තිබේ.
