හැටන්-නෝර්ටන්බ්රිජ් ප්රධාන මාර්ගයේ කාසල්රි ප්රදේශයේ මාර්ගය හරහා ඉදි කර තිබූ පාලමක් ගිලා බැසීමෙන් අවහිර වී තිබු එම මාර්ගයේ ගමනා ගමන කටයුතු ඊයේ (දෙසැම්බර් 12) පස්වරුවේ සිට යළි යථා තත්ත්වයට පත් කළ බව නෝර්වුඩ් මාර්ග සංවර්ධන අධිකාරියේ නිලධාරියෙකු පැවසීය.
“දිට්වා” සුළි කුණාටුවත් සමඟ එම පාලම ඉකුත් නොවැම්බර් 29 වැනි දින ගිලා බැසීමට ලක් වූ නිසා එම මාර්ගයේ ගමනා ගමන කටයුතු එදින සිට දෙසැම්බර් 12 වන දින උදෑසන දක්වා සම්පූර්ණයෙන්ම ඇනහිට තිබුණි.
ශ්රී ලංකා යුද හමුදාවේ පල්ලේකැලේ පිහිටි 31 වන ඉංජිනේරු බලකාය සහ මාර්ග සංවර්ධන අධිකාරිය විසින් මීටර් 15ක දිගකින් යුත් යකඩ පාලමක් මේ වන විට සවි කර අවසන් අතර, දෙසැම්බර් 12 වන දින පස්වරුවේ සිට එම මාර්ගයේ ගමනා ගමන කටයුතු යළි යථා තත්ත්වයට පත් කර ඇති බවයි නෝර්වුඩ් මාර්ග සංවර්ධන අධිකාරියේ විධායක ඉංජිනේරුවරයා කියා සිටියේ.
