කොළඹ මහේස්ත්රාත් අධිකරණය, හිටපු පාර්ලිමේන්තු මන්ත්රී සජින් වාස් ගුණවර්ධනට එරෙහිව පවතින රුපියල් ලක්ෂ 369ක අධික ආදායම් බදු නොගෙවීමේ නඩුව අද (23) යළිත් විභාගයට ගැනීමෙන් අනතුරුව දෙසැම්බර් 16ට කැඳවා තිබේ.
2010, 2011 සහ 2012 වර්ෂවල පුද්ගල ආදායම් බදු නොගෙවීම සම්බන්ධයෙන් දේශීය ආදායම් දෙපාර්තමේන්තුවයි මෙම නඩුව ගොනු කර ඇත.
අද නඩුවේදී සජින් වාස් ගුණවර්ධන අධිකරණයේ පෙනී සිටි අතර, ඔහු වෙනුවෙන් පෙනී සිටි නීතිඥවරයා, මෙම නඩුවට එරෙහිව ශ්රේෂ්ඨාධිකරණය වෙත පෙත්සමක් දා ඇති බවත් එය තවමත් විභාගයේ යොදා නොමැති බවත් සඳහන් කළේය.
මේ අතර, දේශීය ආදායම් කොමසාරිස්වරයාගේ නීතිඥවරයා පැවසූයේ ශ්රේෂ්ඨාධිකරණයෙන් නියෝගයක් නිකුත් කර නොමැති බැවින් මෙහිදී නඩුව පවත්වාගෙන යාමට කිසිදු බාධාවක් නැති බවයි.
ඒ අනුව, ආදායම් බදු නොගෙවීමට හේතු ඇත්නම් ඒවා ලිඛිතව අධිකරණයට ඉදිරිපත් කරන ලෙසද මහේස්ත්රාත්වරයා නියම කර ඇත.
