මෙම වසරේ මේ දක්වා කාලය තුළ ඩෙංගු රෝගීන් 25,055ක් වාර්තා වී ඇති බව ජාතික ඩෙංගු මර්දන ඒකකය පවසයි. එසේම, ජාතික ඩෙංගු මර්දන ඒකකයේ ප්රජා විශේෂඥ වෛද්ය ප්රසිලා සමරවීර සඳහන් කළේ, ඩෙංගු මරණ 13ක්ද මේ දක්වා වාර්තා වී ඇති බවයි.
වැඩිම ඩෙංගු රෝගීන් සංඛ්යාවක් කොළඹ සහ ගම්පහ දිස්ත්රික්ක තුළින් වාර්තා වන බවද ඇය සඳහන් කළ අතර පවතින වැසි තත්ත්වය සමඟ මදුරු ඝනත්වය වැඩි වී ඇති බවත්, තමා අවට පරිසරය පිරිසිදු කර ගැනීමට කටයුතු කරන ලෙසත් ප්රජා විශේෂඥ වෛද්ය ප්රසිලා සමරවීර වැඩිදුරටත් ජනතාවගෙන් ඉල්ලා සිටී. ඇය අවධාරණය කළේ, ඩෙංගු ව්යාප්තිය පාලනය කිරීමට සියලු දෙනාගේම සහයෝගය අත්යවශ්ය බවයි .
