පවතින ගංවතුර තත්ත්වය සමඟ ඉදිරියේදී දිවයින පුරා බෝවන රෝග අවදානමක් ඇති විය හැකි බව මහජන සෞඛ්ය පරීක්ෂකවරුන්ගේ සංගමය (PHI) පවසයි.
එම සංගමයේ ලේකම් චමිල් මුතුකුඩ මහතා සඳහන් කළේ, ඩෙංගු, චිකුන්ගුන්යා සහ මී උණ (Leptospirosis) වැනි රෝග පැතිරීමේ දැඩි අවදානමක් පවතින බවයි.
“පසුගිය දිනවල දිවයිනට බලපෑ හදිසි ආපදා තත්ත්වය හේතුකොට ගෙන ඉදිරියේදී දරුණු බෝවන රෝග පැතිරීමේ අවදානමක් ඇති වියහැකි යැයි අපි සෞඛ්ය අංශ විදිහට බලාපොරොත්තු වෙනවා. ඒ අනුව ඩෙංගු, චිකුන්ගුන්යා සහ මී උණ රෝගය පැතිරීමේ දැඩි අවදානමක් පවතිනවා.”
එමෙන්ම, දියවැඩියාව, අධි රුධිර පීඩනය සහ පිළිකා වැනි බෝ නොවන රෝග තත්ත්වයන්ට ප්රතිකාර ලබාගත් රෝගීන්ගේ ඖෂධ ආපදා තත්ත්වය සමඟ නැති වී තිබෙන්නට හෝ ප්රතිකාර ව්යාකූල තත්ත්වයට පත්ව තිබෙන්නට හැකි බැවින් ඔවුන් පිළිබඳව විශේෂ අවධානයක් යොමු කර ඇති බව ද ඒ මහතා වැඩිදුරටත් පැවසීය.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
