මිරිස්ස මුහුදු තීරයේ දිය නෑමට ගිය 49 හැවිරිදි වෛද්යවරයකු දියේ ගිලී මියගොස් ඇති බව පොලිසිය පවසයි.
සිද්ධියෙන් පසු ඔහු වහාම මාතර රෝහලට ඇතුළත් කර ඇති අතර, ඒ වන විටත් ඔහු මියගොස් සිටි බව රෝහල් ආරංචි මාර්ග තහවුරු කරයි.
මියගොස් ඇත්තේ වැලිගම, වලාන රෝහලේ ප්රධාන වෛද්ය නිලධාරීවරයා ලෙස සේවය කළ වෛද්යවරයෙකි.
ඔහු වලාන රෝහලේ රාජකාරි ආරම්භ කර ඇත්තේ මීට මාසයකට පමණ පෙරය.
විවේකී වේලාවක් ගත කිරීම සඳහා මිරිස්ස වෙරළ තීරයට ගොස් දිය නෑමේදී ඔහු මෙම අනතුරට මුහුණ දී තිබේ.
උත්සව සමයේ වෙරළාශ්රිතව විනෝද වන පිරිස් මුහුදේ පවතින රළු ස්වභාවය සහ සැඟවුණු දියවැල් පිළිබඳව වැඩි අවධානයක් යොමු කළ යුතු බව පොලිසිය නැවතත් මහජනතාවට මතක් කර දෙයි. සිද්ධිය සම්බන්ධයෙන් මිරිස්ස පොලිසිය වැඩිදුර විමර්ශන පවත්වයි.
