කඳුකර මලයගම් ප්රජාවගේ නිවාසලාභීත්ව හිමිකම් පත් ලබාදීම හෙට (ඔක්තෝබර් 12) පෙරවරුවේ බණ්ඩාරවෙල මහජන ක්රීඩාංගණයේදී සිදු කිරීමට නියමිතය.
මෙම වැඩසටහන ජනාධිපති අනුර කුමාර දිසානායක මහතාගේ ප්රධානත්වයෙන් පැවැත්වේ.
ඉන්දියානු ආධාර යටතේ ක්රියාත්මක කෙරෙන නිවාස දසදහසක ව්යාපෘතියේ හතරවන අදියරේ ප්රතිලාභීන් වන දෙදහසකට මෙහිදී නිවාස හිමිකම් ලබාදීම සිදු කෙරෙන බව ජනාධිපති මාධ්ය අංශය නිවේදනය කළේය.
“සුවපහසු නිවසක්, සනීපාරක්ෂක ජීවිතයක්” යන තේමාව යටතේ ශ්රී ලංකා රජය, ඉන්දියානු රජය සමඟ එක්ව මෙරට මලයගම් ප්රජාවගේ ජීවන තත්ත්වය උසස් කිරීමේ අරමුණින් මෙම ව්යාපෘතිය ක්රියාත්මක කරයි.
