පිස්තෝලයක් අතුරුදන් වීමේ සිද්ධියක් සම්බන්ධයෙන් අත්අඩංගුවට ගෙන සිටින හිටපු අමාත්ය ඩග්ලස් දේවානන්ද මහතාගෙන් තවදුරටත් ප්රශ්න කිරීම සඳහා අපරාධ පරීක්ෂණ දෙපාර්තමේන්තුව විසින් පැය 72ක රැඳවුම් නියෝග ලබාගෙන තිබේ. සැකකරුගෙන් සිදු කරන විමර්ශන කටයුතු තවදුරටත් පුළුල් කිරීමේ අරමුණින් පොලිසිය මෙම පියවර ගෙන ඇති බව වාර්තා වේ.
පොලිස් මූලස්ථානය සඳහන් කළේ අතුරුදන් වූ බව කියන ගිනි අවිය සම්බන්ධයෙන් මෙතෙක් අනාවරණය නොවූ තොරතුරු රැසක් සොයා ගැනීම සඳහා මෙම රැඳවුම් කාලය තුළදී සැකකාර හිටපු අමාත්යවරයාගෙන් දැඩි ලෙස ප්රශ්න කිරීමට නියමිත බවයි. අදාළ ගිනි අවිය අවසන් වරට භාවිත කළේ කවුරුන්ද සහ එය මේ වන විට පවතින්නේ කා සන්තකයේද යන්න පිළිබඳව අපරාධ පරීක්ෂණ දෙපාර්තමේන්තුව සිය අවධානය යොමු කර ඇත.
මෙම සිද්ධිය සම්බන්ධයෙන් තවත් පුද්ගලයන් කිහිපදෙනෙකුගෙන් ප්රකාශ සටහන් කර ගැනීමට විමර්ශන නිලධාරීන් සැලසුම් කර ඇති අතර, හිටපු අමාත්යවරයා ලබා දෙන තොරතුරු මත පදනම්ව ඉදිරි වැටලීම් සිදු කිරීමට නියමිතය. මෙම ගිනි අවිය කිසියම් අපරාධයකට යොදාගෙන තිබේද යන්න පිළිබඳව ද විද්යාත්මක පරීක්ෂණ ආරම්භ කර ඇති බව පොලිස් ආරංචි මාර්ග පවසයි.
