සෞඛ්ය හා ජනමාධ්ය අමාත්යාංශය විසින් ජාතික අනතුරු නිවාරණ සතියක් නම් කර තිබෙනවා. මෙය හෙට (ජූලි 7) සිට ජූලි 11 දක්වා ක්රියාත්මක වන බව අමාත්යාංශය නිවේදනය කරයි.
මෙම සතිය ප්රකාශයට පත් කර ඇත්තේ ශ්රී ලංකාවේ හදිසි අනතුරු පිළිබඳ බරපතල තත්ත්වය හමුවේයි. අමාත්යාංශය පෙන්වා දෙන පරිදි, ශ්රී ලංකාවේ රෝහල්ගතවීම් සඳහා ප්රධානතම සාධකය වී ඇත්තේ හදිසි අනතුරු වන අතර, ආබාධිත තත්ත්වයන්ට හා මරණවලට ද විශාල වශයෙන් දායක වන්නේ මෙම අනතුරුයි.
දත්ත අනුව, සෑම වසරකම ශ්රී ලංකාවේ සමස්ත ජනගහනයෙන් හත් දෙනෙකුගෙන් එක් අයෙකුට වෛද්ය ප්රතිකාර අවශ්ය වන ආකාරයේ අනතුරක් සිදුවිය හැකියි. එපමණක් නොව, සෑම විනාඩියකටම අවම වශයෙන් ශ්රී ලාංකිකයින් 6ත් 8ත් අතර ප්රමාණයකට වෛද්ය ප්රතිකාර අවශ්ය වන ආකාරයේ අනතුරක් සිදුවිය හැකි බවටද අමාත්යාංශය අනතුරු අඟවයි.
මෙම ජාතික අනතුරු නිවාරණ සතිය තුළදී අනතුරු අවම කර ගැනීම සඳහා මහජනතාව දැනුවත් කිරීමේ වැඩසටහන් ක්රියාත්මක කිරීමට අපේක්ෂා කෙරේ.
