දුම්රිය වාර ප්රවේශපත්රය (Season Ticket) භාවිතා කරමින් ශ්රී ලංකා ගමනා ගමන මණ්ඩලයේ (SLTB / ලංගම) බස් රථවල ගමන් කිරීමට අවසර ලබා දී ඇත්තේ, දුම්රිය ධාවනය සීමාවූ හෝ ධාවනය ඇණහිට ඇති ප්රදේශවලට පමණක් බව ශ්රී ලංකා ගමනා ගමන මණ්ඩලය අවධාරණය කරයි.
ලංගම සඳහන් කරන්නේ, දුම්රිය ධාවනය සාමාන්ය පරිදි සිදුවන ප්රදේශවල පුද්ගලයින් ද වාර ප්රවේශපත්ර භාවිත කරමින් ලංගම බස් රථවල ගමන් කිරීමට උත්සහ දැරීමේ සිද්ධීන් කිහිපයක් වාර්තා වී ඇති බැවින් මේ බව යළි අවධාරණය කළ බවයි.
මේ අතර, මහනුවර සිට කොළඹ බලා පැමිණෙන දුම්රිය මගීන් සඳහා හෙට (දෙසැම්බර් 08) අලුයම සිට විශේෂ බස් රථ යෙදවීමට කටයුතු කරන බව ජාතික ගමනා ගමන කොමිසන් සභාව (NTC) පවසයි.
එම විශේෂ බස් රථවල දුම්රිය වාර ප්රවේශපත්රය භාවිත කරමින් ගමන් කිරීමේ හැකියාව පවතින බව එහි සභාපති පී. ඒ. චන්ද්රපාල මහතා පැවසීය.
