ආපදා හේතුවෙන් පීඩාවට පත් ජනතාව රැඳී සිටින සුරක්ෂිත මධ්යස්ථානවල අක්ෂි රෝග (Sore Eyes / Conjunctivitis) ව්යාප්ත වීමේ අවදානමක් පවතින බව අක්ෂි ශල්ය විශේෂඥ වෛද්යවරුන්ගේ විද්යායතනය පවසයි.
එම විද්යායතනයේ සභාපති, අක්ෂි ශල්ය විශේෂඥ වෛද්ය කුසුම් රත්නායක මහතා සඳහන් කළේ, නිසි සෞඛ්ය පුරුදු අනුගමනය කිරීම තුළින් එම තත්ත්වය වළක්වා ගත හැකි බවයි.
වෛද්ය රත්නායක මහතා පෙන්වා දුන් පරිදි, සමූහ වශයෙන් මිනිසුන් ගැවසෙන විට මෙවැනි බෝවන රෝග ඇති වීමේ ප්රවණතාවය වැඩිය.
ඇස් රතු වීමත් සමඟ ඇති වන මෙම රෝගය (Conjunctivitis / Sore Eyes) ස්පර්ශයෙන් මෙන්ම වාතය සමඟ ද බෝවන රෝගයක් වන අතර, එය වේගයෙන් පැතිර යන්නට පුළුවන.
යම්කිසි පුද්ගලයෙකුට මෙම රෝගය හැදුණහොත්, පහත සෞඛ්ය පුරුදු අනුගමනය කිරීම ඉතාම වැදගත් වේ:
* නිතර දෑත් සේදීම.
* නිතර ඇස් ඇල්ලීමෙන් වැළකීම.
“මොකද මේ රෝගය බෝ වෙන්න පටන් ගත්තොත් ඒක සමූහයටම බලපාන්න පුළුවන්. එහෙම වුණොත් අනවශ්ය සෞඛ්ය ප්රශ්නයක් දක්වා යන්න පුළුවන්,” වෛද්ය රත්නායක මහතා අවධාරණය කළේය.
