තමාගේ පියාගේ එකම ආශාව වූයේ තමන් ශ්රී ලංකාව නියෝජනය කරන දක්ෂ ක්රිකට් ක්රීඩකයෙකු බව යැයි යොවුන් ක්රීඩක දුනිත් වෙල්ලාලගේ සඳහන් කළේය.
පියාගේ අසනීප සහිත හදිසි මරණය හේතුවෙන් ආසියානු කුසලානය අතරතුර ශ්රී ලංකාවට පැමිණ සිටි ඔහු, අද (20) අලුයම නැවත කණ්ඩායමට එක්වීම සඳහා පිටත්ව යාමේදී මාධ්ය වෙත අදහස් පළ කළේය.
“පොඩිකාලේ සිටම තාත්තගෙන් ලොකුම සහයෝගය ලැබුණා. ඔහුගේ එකම සිහිනය මම හොඳ ක්රීඩකයෙක් වෙලා රට වෙනුවෙන් ක්රීඩා කිරීම. ඒ ආශාව මම අනිවාර්යයෙන් ඉෂ්ට කරනවා. ආසියානු කුසලානයේ තව තරග තියෙනවා. මම මගේ කණ්ඩායමට සියයට 100ක් දායක වීමට බලාපොරොත්තු වෙනවා. සනත් සර්, නායක චරිත් අයියා සහ කණ්ඩායම සමඟම ලංකාවේ සිටි සියලු දෙනාගෙන් මට ලැබුණු සහයෝගය මට ලොකු හයියක්. එම නිසා මේ වගේ අවාසනාවන්ත තත්ත්වයකදීද, මට ලැබුණු දිරිමත් කිරීම ගැන මම ස්තුතිවන්ත වෙනවා. තාත්තා පොඩිකාලේ සිටම උදේ ඉදන් රෑ වෙනකම් මගේ ක්රිකට් සඳහා කැපවුණා. එම කැපකිරීම නිසා අද මම රට නියෝජනය කරන්න තියෙන්නේ. තාත්තාගේ ආශාවල් සියල්ල මම ඉෂ්ට කරනවා කියලාම සිතනවා” යනුවෙන් දුනිත් මාධ්යට සිය අදහස් පළ කර තිබුණි.
