ගාසා තීරය වෙත මානුෂීය ආධාර රැගෙන යමින් තිබූ නෞකාවක් ඊශ්රායල හමුදා විසින් සිය ග්රහණයට ගෙන තිබෙනවා. ඉතාලියේ සිසිලියා දූපතේ සිට ගමන් ආරම්භ කළ මෙම නෞකාව සමඟ පැවති සබඳතා මේ වන විට බිඳ වැටී ඇති බව ආධාර තොගය යොමු කළ ෆ්රීඩම් ෆ්ලෝටිලා සන්ධානය ප්රකාශ කර ඇත.
සමාජ මාධ්ය ඔස්සේ නෞකාවේ රැඳී සිටි පුද්ගලයන් දෑත් ඉහළට ඔසවාගෙන සිටින ආකාරය දැක්වෙන ඡායාරූපයක් ද පළ වී තිබෙනවා.
ඊශ්රායල විදේශ අමාත්යාංශය සඳහන් කර ඇත්තේ, යාත්රාව ආරක්ෂිතව ඊශ්රායල වෙරළට ගමන් කරන බවයි. කෙසේවෙතත්, ඊශ්රායල ආරක්ෂක අමාත්යවරයා මීට පෙර අදාළ යාත්රාව ආපසු හැරවිය යුතු බවට ප්රකාශ කර ඇති බව විදෙස් මාධ්ය වාර්තා කළා.
හමාස් සටන්කාමීන්ට ආයුධ පැමිණීම අවහිර කිරීම සඳහා මෙවැනි ක්රියාමාර්ග ගන්නා බව ඊශ්රායල බලධාරීන් වැඩිදුරටත් සඳහන් කර තිබෙනවා. මෙම සිදුවීමත් සමඟ ගාසා තීරයේ මානුෂීය තත්ත්වය පිළිබඳව ජාත්යන්තරයේ අවධානය යළිත් යොමු වී තිබෙනවා.
