ජෛව විවිධත්වය වැඩිදියුණු කිරීම සහ ඝන අපද්රව්ය කළමනාකරණය ශක්තිමත් කිරීම හරහා තිරසාර ආර්ථික ප්රතිසාධනයක් ගොඩනැගීමේ අරමුණින් නව ව්යාපෘතියක් ආරම්භ කිරීමට ශ්රී ලංකා රජය හා යුරෝපා සංගමය අතර ප්රධාන ගිවිසුමක් අද (23) අත්සන් කරන ලදි.
ශ්රී ලංකා රජය නියෝජනය කළේ මුදල්, ක්රමසම්පාදන සහ ආර්ථික සංවර්ධන අමාත්යාංශයේ ලේකම් ආචාර්ය හර්ෂණ සූරියප්පෙරුම මහතා වන අතර, යුරෝපා සංගමය නියෝජනය කළේ ශ්රී ලංකාවේ තානාපතිනි Carmen Moreno මැතිනියය.
මෙම ව්යාපෘතිය සඳහා අවශ්ය මූල්යය සපයන්නේ යුරෝපා සංගමය වන අතර, ඒ සඳහා යුරෝ මිලියන 8ක ප්රදානයක් ලබා දීමට නියමිතය. ව්යාපෘතිය ක්රියාත්මක කරන්නේ රාජ්ය පරිපාලන, පළාත් සභා සහ පළාත් පාලන අමාත්යාංශය, පරිසර අමාත්යාංශය සහ යුරෝපා සංගමය එක්වෙනුයි.
ආයුෂගත වූ පරිසර පද්ධති නැවත ප්රතිෂ්ඨාපනය, සංරක්ෂණ උපාය මාර්ග ක්රියාත්මක කිරීම සහ තිරසාර ඉඩම් පරිහරණය ප්රවර්ධනය කිරීම හරහා ජෛව විවිධත්වය සුරැකීමට ව්යාපෘතිය දායක වන අතර, ඝන අපද්රව්ය කළමනාකරණය ශක්තිමත් කිරීම මගින් පාරිසරික ආරක්ෂාවටත් මහජන සෞඛ්යයටත් මෙන්ම තිරසාර සංවර්ධනයටත් දායක වේ.
මෙම කටයුතු රජයේ “පොහොසත් රටක් – ලස්සන ජීවිතයක්” ජාතික ප්රතිපත්ති ප්රකාශයේ දැක්වෙන ආර්ථික සහ පාරිසරික තිරසාරභාවය අතර සමතුලිතතාවය ගොඩනැගීමේ දැඩි අවශ්යතාවය සමඟ ගැලපේ.
අදාළ හවුල්කාරිත්වය, ශ්රී ලංකාව පරිසර හිතකාමී සහ තිරසාර ආර්ථිකයක් ගොඩනැගීමේ ගමන්මග ශක්තිමත් කරන වැදගත් මොහොතක් ලෙසද සැලකේ.
