යාපනයේ කෝපායී ප්රදේශයේ නිවසක් ඉදිරිපිට නවතා තිබූ වැන් රථයකට හා යතුරු පැදියකට කිසියම් පිරිසක්වි සින් 8 දා පහරදී ගිනි තබා පලා ගොස් තිබේ.
යතුරු පැදියකින් පැමිණි පිරිසක් මේ වාහන වලට ගිනි තබා පලා යන අන්දම අසල නිවසක පිහිටි සී.සී.ටීවී කැමරාවක සටහන්ව තිබී පොලීසියට හමු වී තිබේ.
මේ අතර වාහන වලට ගිනි තැබීමෙන් පසුව එම ගින්න නිවා දැමීමට උත්සහ කළ එම නිවසේ හිමිකරුගේ මව ඇදුම් වලට ගිනි ඇවිලිම නිසා ඇය පිළිස්සුම් තුවාල ලබා යාපනය ශීක්ෂණ රෝහලට ඇතුළත් කොට තිබේ.
වාහන වලට මේ අන්දමට ගිනි තැබීමට හේතුව මෙතෙක් අනාවරණය වී නොමැති අතර සිද්ධිය සම්බන්ධයෙන් සැකකරුවන් අත්අඩංගුවට ගැනීමක්ද මෙතෙක් සිදුව නොමැත.
වාහන වලට පහර දීම හා ගිනි තැබීම නිසා වෑන් රථයට හා යතුරු පැදියට දැඩි ලෙස අලාභහානි සිදුව ඇති අතර ඉන් සිදු වූ අලාභය රුපියල් ලක්ෂ හැටක් පමණ වෙතැයි ගණන් බලා තිබේ.
කෝපායී පොලීසිය මෙම වාහන වලට ගිනි තැබීමේ සිද්ධිය සම්බන්ධයෙන් පරීක්ෂණ පවත්වා ගෙන යයි.
