අද (ජූලි 09) පාර්ලිමේන්තු විවාදයට එක්වෙමින් අමාත්යවරියක් සඳහන් කළේ, ශ්රී ලංකාවේ පාසල් අධ්යාපනය නවීකරණය කිරීම සඳහා පුළුල් වැඩසටහනක් ක්රියාත්මක වෙමින් පවතින බවයි.
එහිදී ඇය වැඩිදුරටත් කියා සිටියේ,
“පාසල් 1000කට සුහුරු පුවරු සහ අනෙකුත් තොරතුරු තාක්ෂණ උපකරණ ලබාදීමට යෝජනා කර තිබෙනවා. ඒ වෙනුවෙන් කැබිනට් අනුමැතිය ලැබිලා තියෙනවා. මේ වෙනකොට සුහුරු පුවරු 1900ක් පාසල් 1500ක් වෙත බෙදාදීමට නියමිත වෙලා තියෙනවා.අධ්යාපන ක්ෂේත්රයේ සියලුම මට්ටම් ආවරණය වන පරිදි ජාතික අධ්යාපන කළමනාකරණ පද්ධතියක් (NEMS) සකස් කිරීමටත් කටයුතු යොදා තිබෙනවා. ‘ක්ලීන් ශ්රී ලංකා’ වැඩසටහන යටතේ ශ්රී ලංකා ගුවන් හමුදාවේ තාක්ෂණික සහාය ඇතිව මෙම පද්ධතිය සකස් කිරීමේ මූලික වැඩකටයුතු ආරම්භ කරලා තියෙන්නේ.2026 වසර අවසාන වන විට සියලුම ද්විතීයික පාසල් සඳහා අන්තර්ජාල පහසුකම් ලබාදීම අපේක්ෂිතයි.රුපියල් 5,000ක අසීමිත දත්ත පැකේජයක් පාසල්වලට හඳුන්වා දීලා තියෙනවා.”
මෙම වැඩසටහන් මගින් ශ්රී ලංකාවේ අධ්යාපන ක්ෂේත්රය ඩිජිටල්කරණය කර, සිසුන්ට සහ ගුරුවරුන්ට වඩාත් නවීන හා කාර්යක්ෂම ඉගෙනුම් පරිසරයක් ලබා දීමට අපේක්ෂා කෙරේ.
