පාර්ලිමේන්තු මන්ත්රී රාමනාදන් අර්ච්චුනා මහතා අද (29) අධිකරණයට ඉදිරිපත් කිරීමෙන් පසු ඇප මත නිදහස් කර තිබේ.
අද පෙරවරුවේ ප්රකාශයක් ලබා දීම සඳහා කොටුව පොලිස් ස්ථානයට පැමිණි අවස්ථාවේදී මන්ත්රීවරයා අත්අඩංගුවට ගෙන ඇත.
පොලිස් මූලාශ්ර සඳහන් කළේ, පසුගිය දා කොළඹ කොටුව දුම්රිය ස්ථානය ඉදිරිපිට පැවති සත්යග්රහයක් අතරතුර මන්ත්රීවරයා පොලිස් නිලධාරියෙකුගේ රාජකාරියට බාධා කළ බවට චෝදනා පනවී ඇති බවයි.
එම සිදුවීම සම්බන්ධ විමර්ශනය සඳහා ඔහුට පොලිසිය වෙත පැමිණීමට දන්වා තිබුණු අතර ඒ අනුව පැමිණි අවස්ථාවේදී අත්අඩංගුවට ගෙන අධිකරණයට ඉදිරිපත් කළ බව පොලිසිය පවසා ඇත.
