ඊයේ (සැප්තැම්බර් 20) දිනය තුළ දිවයින පුරා සිදුවූ මාරක රිය අනතුරු පහකින් පුද්ගලයන් හය දෙනෙකු ජීවිතක්ෂයට පත්ව ඇති බව පොලීසිය පවසයි. මියගිය අය අතර දින 11ක් වයසැති බිළිඳියක් සහ පාසල් සිසුවෙක්ද සිටීම කණගාටුවට කරුණකි.
වීරවිල පොලිස් වසමේ තුරුසෙවණ ප්රදේශයේදී ලොරියක් ත්රීරෝද රථයක ගැටීමෙන් සිදු වූ අනතුරකින් දින 11ක් වයසැති බිළිඳියක් මියගොස් ඇත. ත්රීරෝද රථයේ ගමන් කළ බිළිඳියගේ පවුලේ සාමාජිකයන් තිදෙනෙකු තුවාල ලබා තිස්සමහාරාම රෝහලේ ප්රතිකාර ලබයි.
පුත්තලම පොලිස් වසමේ පාලවිය හන්දිය අසලදී ලොරි රථයක ගැටීමෙන් 35 හැවිරිදි යතුරුපැදිකරුවෙකු මියගොස් ඇත. එමෙන්ම, වැලිවේරිය පොලිස් වසමේදී මාර්ගය හරහා ගමන් කරමින් සිටි 68 හැවිරිදි කාන්තාවක් වෑන් රථයක ගැටීමෙන් ජීවිතක්ෂයට පත්ව තිබේ.
පුදුකුඩිඉරිප්පු පොලිස් වසමේදී යතුරුපැදි දෙකක් එකිනෙක ගැටීමෙන් 26 හැවිරිදි තරුණයෙකු මියගොස් ඇති අතර, පොල්ගහවෙල පොලිස් වසමේදී යතුරුපැදි දෙකක් ගැටීමෙන් 16 හැවිරිදි පාසල් සිසුවෙකුද මිය ගියේය.
මෙම අනතුරුවලට සම්බන්ධ රියදුරන් කිහිප දෙනෙකු අත්අඩංගුවට ගෙන ඇති අතර, අදාළ පොලිස් ස්ථාන මගින් සිද්ධීන් සම්බන්ධයෙන් වැඩිදුර විමර්ශන සිදු කරනු ලබයි.
