තමාගේ ප්රතිපත්ති කිසි ලෙසකින් වෙනස් වී නොමැති බවත්, කිසිඳු අවස්ථාවක ජනතාවගේ වරමක් නොමැතිව තමන් ජනාධිපති ධුරය භාර නොගන්නා බවත් විපක්ෂ නායක සජිත් ප්රේමදාස පවසනවා.
පවතින තත්ත්වය මත 2028 දී ණය ආපසු ගෙවීම ආරම්භ කිරීමේ අවිනිශ්චිතතාවක් පවතින බවත්, ඒ සම්බන්ධයෙන් ජාත්යන්තර මූල්ය අරමුදල සමඟ සාකච්ඡා කර තීරණයක් ගත යුතු බවයි දෙරණ 360 වැඩසටහනට එක්වෙමින් විපක්ෂ නායකවරයා සඳහන් කළේ.
එක්සත් ජාතික පක්ෂය හා සමගි ජන බලවේගය අතර සාකච්ඡා බිඳ වැටීම සම්බන්ධයෙන් වන ගැටලුව ගැන මැතිවරණයෙන් පසුව තමාගෙන් විමසන ලෙස ද, එවිට පැහැදිලි තක්සේරුවක් ලබාගත හැකි බවද ඔහු සඳහන් කළා.
සමගි ජන බලවේගය හා එක්සත් ජාතික පක්ෂය අතර එක්වීමක් සිදු නොවන්නේ ප්රතිපත්තිමය ගැටලුවක් නිසා බවයි විපක්ෂ නායක සජිත් ප්රේමදාස වැඩිදුරටත් ප්රකාශ කර සිටියේ.
