ජාතික නිදහස් පෙරමුණේ නායක විමල් වීරවංශ මහතා ඇතුළු සිවිල් සංවිධාන නියෝජිතයින් පිරිසක් විසින් ආරම්භ කර තිබූ අඛණ්ඩ සත්යග්රහය මීට ස්වල්ප වේලාවකට පෙර අවසන් කර තිබේ. රජය විසින් 6 ශ්රේණියට අදාළ නව අධ්යාපන ප්රතිසංස්කරණ ක්රියාත්මක කිරීම ලබන වසර දක්වා කල් දැමීමට තීරණය කළ බව නිල වශයෙන් නිවේදනය කිරීමත් සමඟ මෙම පියවර ගත් බව වාර්තා වේ.
නව අධ්යාපන ප්රතිසංස්කරණ ක්රියාවලිය වහාම ඉල්ලා අස්කර ගන්නා ලෙසත්, ඊට වගකිව යුතු බව පවසමින් අග්රාමාත්ය හරිනි අමරසූරිය මහත්මිය අධ්යාපන අමාත්ය ධුරයෙන් ඉල්ලා අස්විය යුතු බවත් බලකරමින් මෙම සත්යග්රහ ව්යාපාරය ඊයේ (12) ආරම්භ විය. විශේෂයෙන්ම නව විෂය නිර්දේශයේ අන්තර්ගත වූ බව කියන ගැටලුකාරී කරුණු සම්බන්ධයෙන් විරෝධතාකරුවන් සිය දැඩි විරෝධය පළ කර තිබුණි.
කෙසේ වෙතත්, අද පැවති අමාත්ය මණ්ඩල තීරණ දැනුම්දීමේ මාධ්ය හමුවේදී රජය ප්රකාශ කළේ 6 ශ්රේණියේ ප්රතිසංස්කරණ ක්රියාවලිය යළි සමාලෝචනය කර 2027 වසර දක්වා කල් තැබීමට තීරණය කළ බවයි. එම තීරණය සැලකිල්ලට ගනිමින් විමල් වීරවංශ මහතා ප්රමුඛ පිරිස සිය විරෝධතාව මෙලෙස නිමාවට පත් කිරීමට පියවර ගෙන ඇත.
