ජනාධිපතිවරණයෙන්ම ජාතික ජන බලවේගයේ නායක අනුර දිසානායක මහතා 50%කට වඩා වැඩි බහුතර ඡන්දයක් ලබාගෙන ජනාධිපතිවරයා බවට පත්වීම ස්ථිරව සිදුවන බව එම පක්ෂයේ ජාතික විධායක සභික හිටපු පාර්ලිමේන්තු පාර්ලිමේන්තු මන්ත්රී කේ.ඩී. ලාල් කාන්ත මහතා ජාතික ජන බලවේගය විසින් ගම්පොළ නගරයේදී පවත්වන ලද ජනාධිපතිවරණ ජනරැළියක් අමතමින් සඳහන් කරයි.
අනුර දිසානායක මහතා ජනාධිපතිවරණය ජයගෙන ධුරයේ දිවුරුම් දීමෙන් අනතුරුව පළමු රාජකාරිය වන්නේ පවතින පාර්ලිමේන්තුව විසුරුවා හැරීම බවත් හෙතෙම කියා සිටී.
ඊළඟට පැවැත්වෙන පාර්ලිමේන්තු මැතිවරණයේදී ජාතික ජනබලවේග නියෝජිතයන්ට පාර්ලිමේන්තුවේ තුනෙන් දෙකක අති බහුතර බලයක් ජනතාව විසින් ලබාදෙනු ඇති බවද හෙතෙම පැවසුවේය.
