උතුරු නැගෙනහිර ජනතාවගේ ඉඩම් පවරා ගැනීමේ කිසිදු අරමුණක් රජයට නොමැති බවත් රජයේ අරමුණ ඉඩම් අයිතිය ඇති ජනතාවට ඒවා කඩිනමින් පවරා දීම බවත් අග්රාමාත්ය ආචාර්ය හරිනි අමරසූරිය පවසයි. එසේම මෙතෙක් උතුරු නැගෙනහිර ඉඩම් අයිතිය නිරවුල් කිරීම වෙනුවෙන් පැවති ආණඩු විසින් ගෙන තිබූ ක්රියාපිළිවෙල පිළිබඳ ජනතාව තුළ විශ්වාසයක් නොමැති බවත් ඇය වැඩිදුරටත් පැවසීය.
ඇය මේ බව සඳහන් කළේ, උතුරු නැගෙනහිර ජනතාව මුහුණ දෙන ඉඩම් හිමිකම් පිළිබඳ ගැටළු විසදීම සම්බන්ධයෙන් පාර්ලිමේන්තුවේ පැවති සාකච්ඡාවකට එක්වෙමිනි.
මෙහිදී උතුරු නැගෙනහිර නියෝජනය කරන පාර්ලිමේන්තු මන්ත්රීවරුන් පෙන්වා දුන්නේ, අයිතිය හිමි ජනතාව සතුව අයිතිය ඔප්පු කිරීමට ලේඛන කිසිවක් නොමැති බැවින් ජනතා විශ්වාසය දිනාගත් ක්රමවත් වැඩපිළිවෙළක් ඒ සඳහා අවශ්ය බවය.
එයට පිළිතුර වශයෙන් අග්රාමාත්ය ආචාර්ය හරිනි අමරසූරිය පැවසුවේ, ජනතාවගේ සැකය නැතිවන පරිදි නිසි ක්රමවේදයක් හඳුන්වා දෙමින් නීත්යානුකූලව තහවුරු කිරීම් සමග ඉඩම් අයිතිය ජනතාවට ලබාදිය යුතු බව රජයේ එකඟතාව බවය.
