ලබන වසරේ ජනවාරි මස සිට පාසල් වාහන සඳහා CCTV කැමරා අනිවාර්ය කිරීමට කටයුතු කරන බව ප්රවාහන, මහාමාර්ග සහ නාගරික සංවර්ධන අමාත්ය සභානායක බිමල් රත්නායක මහතා අද (නොවැම්බර් 24) පාර්ලිමේන්තුවේදී ප්රකාශ කළේය.
අමාත්යවරයා සඳහන් කළේ, ඥාතීන්ට එහි දර්ශන බැලීමට හැකි වන පරිදි මෙම කටයුතු සිදු කරන බවත්, මෙම පියවරවල ප්රධාන අරමුණ මගීන් ශක්තිමත් කිරීම බවත්ය.
“ජනවාරි සිට පාසල් සහ කාර්යාල වාහන සඳහා මාර්ගෝපදේශ හඳුන්වා දෙනවා. කාන්තාවකට හෝ දරුවෙකුට අතවරයක් කරන්නට කවුරුන් හෝ උත්සාහ කරනවා නම් ඊට එරෙහි වන ජනතාවක් අවශ්යයි. නමුත් බස් කර්මාන්තයේ තිබෙන නපුරු තත්ත්වය නිසා තව කෙනෙක් වෙනුවෙන් ඉදිරිපත් වෙන්න මිනිස්සු බයයි. බස් කර්මාන්තය මෙන්ම ත්රී රෝද රථ කර්මාන්තය ද වෘත්තීය මට්ටමට ගෙන එන්නට අප කටයුතු කරනවා,” යනුවෙන්ද අමාත්යවරයා වැඩිදුරටත් පැවසීය.
