“16 වන ජාතික රණවිරු සැමරුමට” සමගාමීව අද (19) දිනයේ සිට ක්රියාත්මක වන පරිදි ත්රිවිධ හමුදාවේ නිලධාරීන් සහ සෙසු නිලයන් සඳහා උසස් වීම් ලබා දී තිබෙන බව ආරක්ෂක අමාත්යංශය සඳහන් කළේය.
ඒ අනුව ශ්රී ලංකා නාවික හමුදාවේ නිලධාරීන් 22 දෙනෙකුට සහ සෙසු නිලයන් 1,256 දෙනෙකුටද, ශ්රී ලංකා ගුවන් හමුදාවේ නිලධාරීන් 12 දෙනෙකුට සහ සෙසු නිලයන් 848 දෙනෙකුට ද, උසස් වීම් ලබා දී ඇති බව ශ්රී ලංකා නාවික හමුදාව හා ශ්රී ලංකා ගුවන් හමුදාව සඳහන් කළේය.
16 වන ජාතික රණවිරු සැමරුමට සමගාමීව ශ්රී ලංකා යුද හමුදාවේ සෙසු නිලයන් 10,093 දෙනෙකු සඳහා ද උසස්වීම් ලබා දී ඇති බව ශ්රී ලංකා යුද හමුදාව පැවසුවේය.
