පිලිපීනයට අද (10) පෙරවරුවේ රික්ටර් මාපකයේ 7.4ක ප්රබලත්වයකින් යුත් භූමිකම්පාවක් ඇතිවී තිබේ. මෙම ප්රබල භූ කම්පනය හේතුවෙන් පිලිපීනයට මෙන්ම අසල්වැසි ඉන්දුනීසියාවටද සුනාමි අනතුරු ඇඟවීම් නිකුත් කර ඇත.
පිලිපීනයේ භූ කම්පන විද්යා ඒජන්සිය පැවසුවේ, මෙම භූමිකම්පාව එරට මින්ඩනාඕ කලාපයේ ඇති වූ බවයි.
මෙම භූමිකම්පාව හේතුවෙන් පිලිපීනයේ සමහර ප්රදේශවල සුනාමි රළ සාමාන්ය වඩදිය මට්ටමට වඩා මීටර් 3ක් (අඩි 10ක්) දක්වා ඉහළ යා හැකි බව වාර්තා වේ.
පිලිපීන බලධාරීන් පවසන්නේ, පළමු සුනාමි රළ පිලිපීන වේලාවෙන් රාත්රී 11:43ට පෙර පැමිණිය හැකි අතර, එම තත්ත්වය පැය ගණනක් පැවතිය හැකි බවයි.
මේ අතර, පැසිෆික් සුනාමි අනතුරු ඇඟවීමේ මධ්යස්ථානය සඳහන් කළේ ඉන්දුනීසියාවේ සහ පලාවු ප්රදේශවල ද මුහුදු රළ මීටර් 1ක් දක්වා ඉහළ යා හැකි බවයි.
භූමිකම්පාවෙන් සිදුවූ හානිය සහ ජීවිත හානි පිළිබඳ තොරතුරු මේ මොහොත වන විට වාර්තා වී නොමැති අතර, බලධාරීන් පහත්බිම් ප්රදේශවල ජනතාවට වහාම ආරක්ෂිත ස්ථාන කරා යන ලෙස දැනුම් දී ඇත.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
