මීට වසර 109කට පෙර මෙරට සිටි බ්රිතාන්ය පාලකයන් විසින් අසාධාරණ නඩු විභාගයකින් මරණයට පත් කරනු ලැබූ කපිතාන් දියුණුගේ එඩ්වඩ් හෙන්රි පේද්රිස් මහතාට මරණින් පසු ජනාධිපති සමාව ලබා දුන් බව ජනපති මාධ්ය අංශය සඳහන් කළේය.
ආණ්ඩුක්රම ව්යවස්ථාවේ 33(ඌ) ව්යවස්ථාව ප්රකාරව පැවරී ඇති බලතල අනුව ජනාධිපති රනිල් වික්රමසිංහ මහතා විසින් මෙම සමාව ප්රකාශයට පත්කර ඇත.
එවකට ලංකාවේ ආණ්ඩුකාරවරයා වූ රොබට් චාමස් විසින් 1915 ජුනි 25 දින නිකුත් කරන ලද ප්රකාශයක් මගින් පත් කරනු ලැබූ යුධ අධිකරණයකින් සිදුකළ අසාධාරණ නඩු විභාගයකින් පසු 1915 ජූලි 07 වන කපිතාන් දියුණුගේ එඩ්වඩ් හෙන්රි පේද්රිස් මහතාව නීති විරෝධී ලෙස මරණයට පත් කළ බවද ජනාධිපති මාධ්ය අංශ නිවේදනයේ වැඩිදුරටත් දැක්වෙයි.
1888 අගෝස්තු 16 දින ගාල්ලේදී උපත ලැබූ හෙන්රි පේද්රිස් මහතා බ්රිතාන්ය පාලන සමයේ ලංකාවේ විසූ ප්රමුඛ පෙළේ සමාජ ක්රියාකාරිකයකු මෙන්ම ලංකා ආරක්ෂක හමුදාවේ සහ කොළඹ නගරාරක්ෂක බළකායේ සේවය කළ කපිතාන් නිලයක් හෙබවූ හමුදා නිලධාරියකුද වේ.
බ්රිතාන්ය නිලධාරීන් විසින් 1915 ජාතිවාදී කලබල ඇති කිරීමට පෙළඹවීම වෙනුවෙන් චෝදනා එල්ල කර ඔහු ඝාතනය කර ඇති බවද එම නිවේදනයේ දැක්වේ.
