පසුගිය කුණාටු සමයේදී මෙරට ප්රධාන ජලාශවල ජලය ක්රමානුකූලව අඩු කළේ නම් මෙතරම් ජීවිත හා දේපළ විනාශයක් සිදු නොවනු ඇති බව සමගි ජන බලවේග පාර්ලිමේන්තු මන්ත්රී කබීර් හෂීම් අද (දෙසැම්බර් 01) පාර්ලිමේන්තුවේදී පැවසීය.
නොවැම්බර් 12 වැනි දින වන විට කාලගුණ විද්යා දෙපාර්තමේන්තුව විසින් මේ සම්බන්ධයෙන් පුරෝකථනය කර රජයට දැනුම් දී තිබූ බව ද ඔහු පෙන්වා දුන්නේය.
“අන්තිම මොහොත වෙනකන් වතුර ටික යැව්වේ නැහැ. එක පාරටම ගේට්ටු ඇරියා. ගම්පොළ නගරයේ දාහක් විතර මැරිලා ඇති. වතුර ටික ටිකෙන් ටික ඇරිය නම් සියයට 75ක් ජීවිත බේරගන්න තිබුණා. දැදුරු ඔය වාන් ගේට්ටු ඔක්කොම එක සැරේ ඇරියා. රජය මේක හරියට කළමනාකරණය කළේ නැහැ. වරද්ද ගත්ත නම් දැන්වත් ඒක හරියට කරමු,” යනුවෙන් මන්ත්රීවරයා එහිදී සඳහන් කළේය.
මේ අතර, අද පාර්ලිමේන්තුව දහවල් 12.30 පමණක් වන තෙක් පැවැත්වීමට විරෝධය පළ කරමින් විපක්ෂය සභා ගැබෙන් ඉවත් විය.
