අල්ලස් හෝ දූෂණ චෝදනා විමර්ශන කොමිෂන් සභාවේ (CIABOC) නිලධාරියෙකු ලෙස ව්යාජ ලෙස පෙනී සිටිමින් රාජ්ය නිලධාරීන්ට බලපෑම් කළ පුද්ගලික සමාගමක GPS තාක්ෂණික කළමනාකරුවෙකු ඊයේ (22) අත්අඩංගුවට ගෙන ඇත.
කොමිෂන් සභාව සඳහන් කළේ, ලැබුණු රහසිගත තොරතුරකට අනුව මෙම වැටලීම සිදුකර සැකකරු අත්අඩංගුවට ගත් බවයි. අත්අඩංගුවට ගත් පුද්ගලයා කොමිෂන් සභාවේ නිල හැඳුනුම්පතට සමාන ව්යාජ හැඳුනුම්පතක් සකස් කරගෙන, රාජ්ය නිලධාරීන්ගේ නිල කටයුතු නිසි ලෙස ඉටු කිරීමට බලපෑම් කිරීමේ චෝදනාව මත අත්අඩංගුවට ගෙන ඇත.
මෙලෙස අත්අඩංගුවට ගෙන ඇත්තේ පොළොන්නරුව ප්රදේශයේ පුද්ගලික සමාගමක සේවය කරන GPS තාක්ෂණික කළමනාකරුවෙකි. සැකකරු ඊයේ (22) පස්වරු 7.21 ට පමණ පොළොන්නරුව ප්රධාන මාර්ගයේ දී අත්අඩංගුවට ගෙන ඇති අතර, ඔහු පොළොන්නරුව මහේස්ත්රාත් අධිකරණයට ඉදිරිපත් කිරීමට නියමිත බව CIABOC වැඩිදුරටත් සඳහන් කළේය.
