වතු කම්කරුවන්ට පුරවැසිභාවය ලබාදීමට විරුද්ධ වූ ජනතා විමුක්ති පෙරමුණ සමාජයෙන් සමාව ගතයුතු බව හිටපු ජනාධිපති රනිල් වික්රමසිංහ පවසයි.
“මේක තමයි මම එජාපය වෙනුවෙන් කතා කරන පළමු රැස්වීම. අපි වෙනත් තැන්වල ගෑස් සිලින්ඩර් ලකුණින් තරග කළත් අපි නුවරඑළියේ අලියා ලකුණින් තරග කරන ලෙස ජීවන් තොණ්ඩමන් තරයේ කියා සිටියා” යැයි කොටගල පැවති ජනහමුවක් අමතමින් ඔහු පැවසීය.
“එදා වතු කම්කරුවන්ට පුරවැසිභාවය දෙනකොට ජවිපෙ නායක රෝහණ විජේවීර ඒකට තදින්ම විරුද්ධ වුණා,” ඔහු සිහිපත් කළේ එක්සත් ජාතික පක්ෂය සහ වතු ප්රජාව අතර ඇති සමීප සබඳතාව අවධාරණය කරමිනි.
“එජාපය 1947 සිට අඛණ්ඩව පාර්ලිමේන්තු මැතිවරණවලට ඉදිරිපත් වී තිබෙනවා. මේ ජනතාවගේ ජීවිත වැඩිදියුණු කිරීමට අපි සෑමවිටම පහසුකම් ලබා දී තිබෙනවා,” ඔහු වැඩිදුරටත් පැවසීය.
1986 වසරේ සිරිමාවෝ බණ්ඩාරනායක සහ ඉන්දිරා ගාන්ධි අතර ඇති කරගත් ගිවිසුම් යටතේ ඉන්දියාවේ හෝ ශ්රී ලංකාවේ පුරවැසිභාවය නොමැති අයට ශ්රී ලංකා පුරවැසිභාවය ලබාදුන් බව හිටපු ජනාධිපතිවරයා අවධාරණය කළේය. “ඉන්දියාවේ හිටියත් ලංකාවේ හිටියත් නැති හැමෝටම අපි පුරවැසිකම දුන්නා” වික්රමසිංහ පැහැදිලි කළේය.
එකල වතු කම්කරුවන්ගේ ඡන්ද අයිතිය අහිමි කිරීම සම්බන්ධයෙන් ජවිපෙ විවේචනය කළ ඔහු “ඔවුන්ට ඡන්ද අයිතිය ලබාදීමට විරුද්ධ වූ ජවිපෙට ඡන්දය දිය යුත්තේ ඇයි?” යනුවෙන් ප්රශ්න කළේය
