සෞඛ්ය හා ජනමාධ්ය අමාත්යාංශවල පුරප්පාඩු 3,519ක් බඳවා ගැනීමට කැබිනට් මණ්ඩලයේ අනුමැතිය ලැබී තිබේ.
රාජ්ය සේවයේ බඳවා ගැනීමේ ක්රියා පටිපාටිය අධ්යයනය කිරීම සහ පිරිස් කළමනාකරණය කිරීම සඳහා පත් කරන ලද කමිටුවේ නිර්දේශ ක්රියාත්මක කිරීම සම්බන්ධයෙන් අගමැතිනි හරිනි අමරසූරිය විසින් ඉදිරිපත් කරන ලද යෝජනාවට කැබිනට් අනුමැතිය ලැබීමෙන් පසුව මෙය සිදු විය.
මේ සම්බන්ධයෙන්, රාජ්ය සේවයේ බඳවා ගැනීමේ ක්රියාවලිය සමාලෝචනය කිරීම, අවශ්යතා, ප්රමුඛතා සහ සිදු කළ යුතු බඳවා ගැනීම්වල කාල රාමු සහ අවශ්ය සංඛ්යාව තීරණය කිරීම සඳහා අග්රාමාත්ය ලේකම්වරයාගේ ප්රධානත්වයෙන් යුත් නිලධාරි කමිටුවක් පත් කිරීමට 2024-12-30 දින පැවති රැස්වීමේදී තීරණය කර ඇත.
ඒ අනුව, එක් එක් අමාත්යාංශයේ සහ ආයතනයේ පවතින පුරප්පාඩුව සඳහා බඳවා ගැනීම් සැලසුම් කර ඇත.
මේ පිළිබඳව වැඩිදුරටත් අදහස් දක්වමින් අමාත්යවරයා,
“7,000ක්,8,000ක්,10,000ක් බඳවා ගන්නවා කියලා කරන ඒවා නෙමෙයි මේ. සේවා අවශ්යතාව බලලා ප්රමුඛතාව මත තමයි බඳව ගන්නේ. හෝල්සේල් බඳවා ගැනීම් කරන්නේ නෑ. අගමැති කමිටුවේ අනුමැතිය ඇවිල්ලා තියෙනවා. උපරිම මාස දෙකක් ඇතුළත බඳවා ගැනීම් කරන්න පුළුවන් වේවි. මේ කිසිදු පත්වීමක් දේශපාලන වුවමනාවට පුරවන්නේ නෑ. ඒ ඇමතිගේ පළාතෙන් පුරවන්නේ නෑ, රාජ්ය සේවය තවදුරටත් බරක් වෙන තැනකට අපි ගේන්නේ නෑ.”
