ප්රධාන පෙළේ මත්ද්රව්ය ජාවාරම්කරුවෙකු මෙන්ම සංවිධානාත්මක අපරාධකරුවෙකු වන මන්දිනු පද්මසිරි පෙරේරා නොහොත් ‘කෙහෙල්බද්දර පත්මේ’ නැමැත්තාගෙන් අපරාධ පරීක්ෂණ දෙපාර්තමේන්තුව (CID) කළ ප්රශ්න කිරීම්වලදී ලද තොරතුරු මත මයික්රෝ වර්ගයේ ගිනිඅවියක් සහ ඊට අයත් මැගසිනයක් සොයා ගැනීමට CID නිලධාරීහු සමත් වී සිටිති.
මෑතකදී ඉන්දුනීසියාවේ ජාකර්තා නුවරදී පෑලියගොඩ උතුර අපරාධ කොට්ඨාසයේ සහ පොලිසියේ ඒකාබද්ධ මෙහෙයුමකින් අත්අඩංගුවට ගත් පස්දෙනා අතර ‘කෙහෙල්බද්දර පත්මේ’ ද විය.
CIDයේ වාණිජ අපරාධ විමර්ශන අංශ 3 මගින් ඔහු රඳවාගෙන කරන ලද ප්රශ්න කිරීමේදී, ඔහු විසින් විවිධ අපරාධ සඳහා යොදාගත් ගිනිඅවියක් පිළිබඳ තොරතුරු අනාවරණය කළේය.
ඒ අනුව, ඌරගස් මං හන්දියට ආසන්න කොස්ගොඩ මාර්ගයේ ඇති අතුරු මාර්ගයක බෝක්කුවක් යට සඟවා තිබූ එම ආයුධය සොයාගෙන ඇත.
අපරාධ පරීක්ෂණ දෙපාර්තමේන්තුවේ වාණිජ අපරාධ විමර්ශන අංශ 3 විසින් මෙම ගිනිඅවිය සම්බන්ධයෙන් වැඩිදුර පරීක්ෂණ පවත්වාගෙන යනු ලබයි.
