හිටපු මහ බැංකු අධිපති අජිත් නිවාඩ් කබ්රාල් මහතා ඇතුළු විත්තිකරුවන් සිව්දෙනෙකුට එරෙහිව අල්ලස් කොමිසම විසින් ගොනු කර ඇති නඩුව විභාගය සඳහා දෙසැම්බර් මස 17 වැනිදා කැඳවන ලෙස කොළඹ මහාධිකරණය අද (10) දින නියම කළේය.
මෙම නඩුව ගොනුකර ඇත්තේ, 2012 වසරේදී ග්රීක රජය ආර්ථික වශයෙන් බිඳවැටීමට ලක්ව තිබියදීත්, ශ්රී ලංකා රජයට අයත් මුදල් ග්රීක බැඳුම්කරවල ආයෝජනය කිරීම තුළින් රජයට රුපියල් බිලියන 1.8කට වැඩි පාඩුවක් සිදු කළ බවට චෝදනා කරමිනි.
නඩුව අද දින කොළඹ මහාධිකරණ විනිසුරු මොහොමඩ් මිහාල් මහතා ඉදිරියේ කැඳවූ අවස්ථාවේදී, විත්තිකරුවන් සියලු දෙනා අධිකරණය හමුවේ පෙනී සිටියහ.
