පසුගිය 10 වන දින සිදුවූ ලංකා රාජ්ය මේසයේ (LGC) පද්ධතියේ බිඳ වැටීම හේතුවෙන් සතියකට ආසන්න කාලයක් රාජ්ය සේවාවන් අඩාල වීමෙන් රජයට රුපියල් කෝටි 200කට අධික මූල්ය පාඩුවක් සිදුව ඇති බව රජයේ ආරංචි මාර්ග තහවුරු කරයි.
මෙම තාක්ෂණික දෝෂය හේතුවෙන් රාජ්ය ආයතන 40කට ආසන්න සංඛ්යාවක සේවා ඇනහිට ඇති අතර, ඉන් ප්රධාන ආයතන 8කට දැඩි බලපෑමක් එල්ල වී තිබේ. අනෙකුත් ආයතන 30කට අධික සංඛ්යාවකටද විවිධ මට්ටමේ බලපෑම් ඇති වී ඇත.
කෙසේ වෙතත්, ඩිජිටල් ආර්ථික අමාත්යාංශයේ ලේකම් වරුණ ශ්රී ධනපාල මහතා පවසන්නේ, පසුගිය 17 වන දින පස්වරුවේ පොලිස් නිෂ්කාෂණ පද්ධතිය යථා තත්ත්වයට පත් කිරීමට හැකි වූ බවයි. තොරතුරු තාක්ෂණ නියෝජිතායතනයේ ඉංජිනේරුවන්ගේ සහාය ඇතිව අනෙකුත් පද්ධති යථා තත්ත්වයට පත් කිරීමේ මෙහෙයුම් තවදුරටත් ක්රියාත්මක වන බවද ලේකම්වරයා වැඩිදුරටත් පැවසීය.
මෙම පද්ධති බිඳ වැටීම හැකර් ප්රහාරයක් නිසා සිදුවූවක් නොවන බවත්, පද්ධතියේ අන්තර්ගතව ඇති දැවැන්ත දත්ත ප්රමාණය (අසීමිත තොරතුරු) හේතුවෙන් ඇති වූ දෝෂයක් බවත් ඔහු වැඩිදුරටත් අවධාරණය කළේය.
