මුදල් විශුද්ධීකරණ පනත යටතේ දූෂණය නමැති වරදක් කිරීම සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාව (අල්ලස් කොමිසම) විසින් අත්අඩංගුවට ගනු ලැබූ හිටපු අමාත්ය සී.බී. රත්නායක මහතා ඇප මත මුදා හරින ලෙස කොළඹ ප්රධාන මහෙස්ත්රාත් අසංග එස්. බෝදරගම මහතා අද (දෙසැම්බර් 16) නියෝග කළේය.
මහෙස්ත්රාත්වරයා විසින් සැකකරු ලක්ෂ 20 බැගින් වූ ශරීර ඇප 2ක් මත මුදා හැරීමට නියෝග කළ අතර, සැකකරුගේ විදෙස් ගමන් තහනම් කරන ලෙස ද නියෝග කර තිබේ.
ක්රීඩා අමාත්යංශය, පුද්ගලික ප්රවාහන අමාත්යංශය සහ පශු සම්පත් අමාත්යංශය යන අමාත්යංශයන්හි අමාත්යවරයා වශයෙන් කටයුතු කරන ලද රත්නායක මුදියන්සේලාගේ චන්ද්ර සිරි බණ්ඩාර රත්නායක යන මෙලෙස රක්ෂිත බන්ධනාගාර ගත කර සිටියේ රුපියල් ලක්ෂ 573කට අධික මුදලක් අයථා ලෙස ඉපයු බවට අල්ලස් පනතේ වගන්ති යටතේ අල්ලස් කොමිසම සිදුකරනු ලබන විමර්ශනයකට අදාළවය.
