අද (10) දින පස්වරු 1.00න් පමණ පසුව දිවයිනේ ප්රදේශ රැසකට තැනින් තැන වැසි හෝ ගිගුරුම් සහිත වැසි ඇතිවිය හැකි බව කාලගුණවිද්යා දෙපාර්තමේන්තුව නිවේදනය කරයි.
නවතම නිවේදනයට අනුව, නැගෙනහිර, මධ්යම, ඌව, දකුණු සහ සබරගමුව පළාත්වලටත්, පොළොන්නරුව, මුලතිව්, කිලිනොච්චි සහ යාපනය දිස්ත්රික්කවලටත් මෙලෙස තද වැසි අපේක්ෂා කෙරේ. දිවයිනේ සෙසු ප්රදේශවලද පස්වරු 1න් පමණ පසුව ස්ථාන ස්වල්පයක වැසි ඇතිවිය හැකිය.
බස්නාහිර සහ දකුණු පළාත්වල උදෑසන කාලයේදී වැසි ඇතිවීමේ හැකියාවක් පවතී.
සබරගමුව, මධ්යම සහ ඌව පළාත්වල ඇතැම් ස්ථානවල උදෑසන කාලයේදී මීදුම් සහිත තත්ත්වයක් පවතී.
ගිගුරුම් සහිත වැසි සමඟ ඇතිවිය හැකි අකුණු අනතුරු සහ තාවකාලික තද සුළං මගින් සිදුවිය හැකි අනතුරු අවම කරගැනීම සඳහා අවශ්ය පියවර ගන්නා ලෙස කාලගුණවිද්යා දෙපාර්තමේන්තුව මහජනතාවගෙන් කාරුණිකව ඉල්ලා සිටියි.
