ශ්රී ලංකාවේ ආපදා තත්ත්වයෙන් විපතට පත් වූවන් සඳහා ආසියානු සංවර්ධන බැංකුව (ADB) අමෙරිකානු ඩොලර් මිලියන 3ක හදිසි මානුෂීය ආධාර ප්රධානයක් සිදු කිරීමට තීරණය කර තිබේ.
ආපදාවෙන් විපතට පත් ජීවිත බේරාගැනීම සහ ජන ජීවිතය යථා තත්ත්වයට පත්කිරීමේ අරමුණින් මෙම ප්රධානය සිදු කරන බව ආසියානු සංවර්ධන බැංකුවේ සභාපති මසාටෝ කන්දා මහතා ප්රකාශ කර ඇත.
පසුගියදා සිදුවූ ආපදා හේතුවෙන් හානියට පත් ශ්රී ලංකාව, තායිලන්තය සහ වියට්නාමය යන රටවල් 3 සඳහා ක්ෂණික ප්රධානයන් සිදු කිරීමට ADB තීරණය කර ඇති අතර, ඒ අනුව:
ශ්රී ලංකාවට: අමෙරිකානු ඩොලර් මිලියන 3ක්
තායිලන්තයට සහ වියට්නාමයට: අමෙරිකානු ඩොලර් මිලියන 2 බැගින්
අමෙරිකාවෙන් ඩොලර් මිලියන 2ක ආධාර
මේ අතර, ‘දිට්වා’ සුළි කුණාටුවෙන් බලපෑමට ලක් වූ ශ්රී ලංකාවේ ජනතාව සඳහා හදිසි ජීවිතාරක්ෂක ආධාර වශයෙන් අමෙරිකානු ඩොලර් මිලියන 2ක් ලබා දීමට අමෙරිකා එක්සත් ජනපදය ද තීරණය කර ඇත.
ශ්රී ලංකාවේ අමෙරිකානු තානාපති ජුලී චන්ග් මහත්මිය සිය X ගිණුමේ සටහනක් තබමින් ප්රකාශ කර ඇත්තේ, ආපදාවෙන් පීඩාවට පත් ජනතාවට සහන සලසන කණ්ඩායම්වලට සහය වීමක් වශයෙන් මෙම ආධාර ලබා දෙන බවයි.
